услугата и обезбедување

 Услугата техничко обезбедување претставува продажба, инсталирање, монтирање и одржување на системи за детекција на провала и кражба, противпожарни системи, системи за контрола на пристап и евиденција на работно време, видео домофонски системи, автоматика на врати и афтоматски бариери, видео надзор, детекција на метали, оружје и опасни хемикалии и друга техничка опрема во зависност од потребите на клиентот. Нашиот тим за техничко обезбедување ги инсталира во Вашиот објект со цел навремено спречување на било какви противправни дејствија и тоа:

• Насилна повреда на просторот
• Детекција на напад, недозволен упад
• Детекција на кражба
• Детекција на пожар
• Детекција на поплава
• Контрола на пристап на лица
• Евиденција на работно време
• Детекција на внесување и изнесување на недозволени материјали и предмети
• Детекција на метали, оружје и опасни хемикалии

 Обезбедувањето е организирано преку 24-часовен надзор над вградените технички системи и уреди со најсовремени дигитална технологија поврзана во нашиот оперативен центар и при секој пристигнат алармен сигнал, со ангажирање на работници и патролни возила се спречува секаков штетен настан.

 Вработените во центарот се стручно обучени, со лиценци и легитимации за техничко обезбедување и постапуваат по стандардизирани процедури за постапување при дојава или настан. Во случај на алармна ситуација ценатрот за следење го изветува мобилниот тим – патролата и го испраќа во објектот со цел да го обезбеди до пристигнување на полиција, брза помош или пожарникари.

 Мобилните тимови – патролата е распоредена на различни места и врши обиколка, контрола на објектите и превзема превентивни мерки за спречување на штетни настани. Вработените се униформирани, поседуваат лиценци и легитимации за обезбедување. Возилата се брендирани и препознатливи.

 Обезбедување транспорт на пари и вредностни пратки претставува склоп на мерки и активности за целосна заштита на пратката што се транспортира, од место на превземање, во движење, до местото на доставување. Притоа задолжително се користат специјализирани блиндирани возила, опремени со системите за техничка заштита, заштитен систем на софистицирани средства за комуникација, GPS уреди и видеонадзор за следење на активноста на терен. Задолжително се користат и заштитна опрема за оперативците на обезбедувањето и опрема соодветна за пакување на пратките, кои се пренесуваат во согласност со нивниот тип (торби, пликоа, пломби и др.) Со посебни планови за движење на возилата, нивната техничка опременост и високопрофесионалниот обучен кадар, резултираат со висока сигурност за нас и за нашиот коминтент.

 Припадниците на службата за обезбедување имаат стручно знаење, долгогодишно искуство и пропишани психо-физички способности. Професионалниот, темелен и детален пристап кон обврските, со беспрекорно почитување на правилата за работа на службата за безбедност и другите нормативни акти, го одликуваат нашиот однос кон доверените задачи. Проценка и анализа на ризикот, планирање, организација, координација и контрола се основни функции со кои се раководиме во своето работење.

 Особено внимание е посветено и на високата етичност при извршувањето на задачите.